Այս պահին Երևանում sett-weather
Փոխարժեքներ 07 10 2024
USD ⚊ $ 386.93
EUR ⚊ € 424.27
RUB ⚊ ₽ 4.02
GBP ⚊ £ 505.41
GEL ⚊ ₾ 141.01
կարևոր
0 դիտում, 10 տարի առաջ - 2014-04-30 11:45
Քաղաքական

Քառյակը նիստ է հրավիրել` քննում են ԲՀԿ-ի պահվածքը եւ կուտակայինի հարցը

Քառյակը նիստ է հրավիրել` քննում են ԲՀԿ-ի պահվածքը եւ կուտակայինի հարցը

ԱԺ-ում, նախքան նիստը սկսելը, ոչ իշխանական չորս ուժերը հանդիպում-քննարկում են հրավիրել: Այս մասին ԱԺ-ից տեղեկացնում է Yerkir.am-ի թղթակիցը:

 

Հանդիպմանը մասնակցում են ԱԺ ՀՅԴ խմբակցության երեք պատգամավորներ` Արմեն Ռուստամյանը, Աղվան Վարդանյանը, Արծվիկ Մինասյանը, «Ժառանգություն»-ից` Ռուբեն Հակոբյանը և Թևան Պողոսյանը, ԲՀԿ-ից` Նաիրա Զոհրաբյանը և Ստեփան Մարգարյանը, իսկ ՀԱԿ-ից` միայն Լևոն Զուրաբյանը, քանի որ զուգահեռ ընթանում է ՀԱԿ խմբակցության նիստ:

 

Նաիրա Զոհրաբյանը լրագրողների հետ զրույցում չհստակեցրեց օրակարգը` ասելով, որ օրակարգն ընթացքում է ձևավորվում: Սակայն քաղաքական իրադարձությունների պարզ տրամաբանությունը վկայում է, որ քննարկվելու է քառյակի կողմից կուտակայինի հարցով արտահերթ նիստ հրավիրելու հարցը, քանի որ կառավարության ներկայացրած օրինագիծը չի բավարարել քառյակի ակնկալիքները:

 

Նաև քննարկվելու է երեկ ԱԺ նախագահի ընտրություններում ԲՀԿ-ի անակնկալ պահվածքը` մասնակցել ընտրություններին և քվեարկել Գալուստ Սահակյանի օգտին: ԲՀԿ-ի պահվածքը հատկապես հիասթափեցրել էր ՀԱԿ-ին: Երեկ ՀԱԿ պատգամավորները ձեռնպահ էին մնում գնահատականներ հնչեցնելուց` հորդորելով լրագրողներին սպասել մինչև քառյակի հանդիպումը ավարտվի, քանի որ հենց հանդիպման ժամանակ ԲՀԿ պատգամավորները, ըստ երևույթին, կբացատրեն իրենց գործողությունները:

բաժանորդագրվել
Նմանատիպ նյութեր
Կայքի հին տարբերակը

Լրահոս

  • բոլոր լուրերը
    • Հրապարակումների արխիվ - կայքի նախկին տարբերակը

    Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը