Քառյակը քննարկում է կուտակայինի հարցով արտահերթ նիստ անցկացնելու հարցը

Քիչ առաջ ԱԺ-ում սկսվեց ոչ իշխանական չորս ուժերի միջև հերթական հանդիպումը: Լրագրողների հետ զրույցում ԱԺ ՀՅԴ խմբակցության պատգամավոր Արծվիկ Մինասյանը հայտնեց, որ քննարկվելու է կուտակային կենսաթոշակային օրենքի հարցով ԱԺ արտահերթ նիստ անցկացնելու հարցը:

ԱԺ ՀԱԿ խմբակցության ղեկավար Լևոն Զուրաբյանն էլ ասաց, որ հերթական հարցերն են քննարկվելու, և որևէ արտակարգ բան չկա:

Քննարկմանը մասնակցում են ՀԱԿ-ից` Լևոն Զուրաբյանը և Արամ Մանուկյանը, ԲՀԿ-ից` Վարդան Օսկանյանը, Նաիրա Զոհրաբյանը և Ստեփան Մարգարյանը, ՀՅԴ-ից` Արծվիկ Մինասյանը, Աղվան Վարդանյանը և Արմեն Ռուստամյանը, «Ժառանգություն»-ից՝ՙ Աժ պատգամավոր Թևան Պողոսյանը և «Ժառանգություն» կուսակցության փոխնախագահ Արմեն Մարտիրոսյանը:

Նշենք, որ մինչև հերթական քառօրյան` ապրիլի 28-ը, մնացել է 12 օր, եկող երկուշաբթի օրը, ըստ օրացույցի, Մեռելոց է, հավանաբար` արտահերթ նիստը նախատեսվում է անցկացնել երեքշաբթի օրը՝ ապրիլի 22-ին: