Հայաստանի առաջնություն. առաջատարները սայթաքեցին

Ֆուտբոլի Հայաստանի բարձրագույն խմբի առաջնության 27-րդ տուրում մրցաշարային աղյուսակի առաջատար «Արարատ»-ը մրցեց «Ալաշկերտ»-ի հետ: Ընթացիկ առաջնության չեմպիոնի կոչման գլխավոր հավակնորդը միավորներ կորցրեց հետնապահներից մեկի հետ խաղում: Հանդիպումն ավարտվեց 0:0 հաշվով: Այս խաղից հետո Աբրահամ Խաշմանյանի սաները վաստակեցին 43 միավոր: Ալաշկերտը 20 միավորով 7-րդն է:

«Գանձասար»-ը Կապանում 2 անպատասխան գնդակ ուղարկեց «Բանանց»-ի դարպասը: 2 գոլերն էլ հեղինակեց Արթուր Ավագյանը` 35-րդ և 73-րդ րոպեներին: «Բանանց»-ը շարունակում է զբաղեցնել 2-րդ հորիզոնականը:  Հոռնյակի սաներն ունեն 38 միավոր: «Գանձասար»-ը այս հաղթանակից հետո վաստակեց 28 միավոր և 5-րդ տեղում ընթացող «Փյունիկ»-ից հետ է մնում 2 միավորով:

 «Փյունիկ»-ը, մրցելով «Շիրակ»-ի հետ, Սարգիս Բալոյանի դուբլի շնորհիվ արդեն 18-րդ րոպեին առաջ անցավ հաշվի մեջ 2 գնդակի առավելությամբ: Խաղի մնացած ժամանակահատվածում «Փյունիկ»-ին ավելին անել չհաջողվեց: Գյումրեցիները միայն 86-րդ րոպեին կարողացան գրավել մրցակցի դարպասը: Գոլի հեղինակ դարձավ Գևորգ Հովհաննիսյանը: Փյունիկցիները հաղթեցին 2:1 հաշվով:

«Միկա»-ն սեփական հարկի տակ 4 անպատասխան գնդակ ուղարկեց «Ուլիս»-ի դարպասը: Գոլերի հեղինակ դարձան Անդրանիկ Ոսկանյանը` 18՛, Ջերեմիա Ջոնը` 39՛,50՛, և Վարդգես Սաթումյանը:  «Միկա»-ն միավորների քանակը հասցրեց 37-ի և արդեն «Բանանց»-ին զիջում է 1, իսկ առաջատար «Արարատ»-ին՝ 6 միավորով:

Մրցաշարային աղյուսակի ամբողջական տեսքն այսպիսին է՝