«Կուտակային կենսաթոշակների մասին» օրենքն ամբողջությամբ շարունակում է գործել մինչեւ սեպտեմբերի 30-ը. Հայաստանի կենտրոնական դեպոզիտարիա

«ՆԱՍԴԱՔ ՕԷՄԷՔՍ ԱՐՄԵՆԻԱ» ընկերությունը «Կուտակային կենսաթոշակների մասին» ՀՀ օրենքի վերաբերյալ հայտարարություն է տարածել, որը ներկայացնում ենք ստորեւ.

«Հարգելի քաղաքացիներ, ելնելով այն հանգամանքից, որ վերջին օրերի ընթացքում «Հայաստանի կենտրոնական դեպոզիտարիա» ԲԲԸ-ն ստացել է բազմաթիվ դիմումներ կապված կուտակային կենսաթոշակային համակարգի մասնակիցների ռեեստրի վարման Դեպոզիտարիայի գործառույթների իրականացման հետ, ցանկանում ենք հայտնել, որ Հայաստանի Սահմանադրական դատարանի որոշմամբ «Կուտակային կենսաթոշակների մասին» ՀՀ օրենքը ամբողջությամբ շարունակում է գործել մինչեւ 2014թ. սեպտեմբերի 30-ը, ուստի «Հայաստանի կենտրոնական դեպոզիտարիա» ԲԲԸ-ն պարտավոր է եւ շարունակելու է կատարել օրենքով իր վրա դրված պարտականությունները»: