Գաղտնիք է. Արեյանը` քաղաքապետարանում հետագայում աշխատելու մասին

Երևանի քաղաքապետի ժամանակավոր պաշտոնակատար Կամո Արեյանը լրագրողների հետ զրույցում չպարզաբանեց` արդյո՞ք նոր քաղաքապետի ընտրություններից հետո պատկերացնում է իր աշխատանքը քաղաքապետարանում:

«Իմ պատկերացումներն իմ անձնական տեսլականն ու գաղտնիքն են: Անկախ իմ հետագա կարգավիճակից` մինչ կյանքիս գիտական վերջին վայրկյանը ծառայելու եմ իմ հայրենիքին»,- ասաց նա:

Արեյանը հավելեց, որ չպետք է իրադարձություններից առաջ ընկնել: Նա նշեց, որ ամեն ինչ ընթանում է օրենքով, ընտրության օրն էլ արդեն որոշված է, ԸՕ-ի համաձայն` կընթանան բոլոր գործընթացները:

Լրագրողները հետաքրքրվեցին` ի՞նչ կարծիք ունի ՔՊ-ից քաղաքապետի թեկնածու Հայկ Մարությանի մասին: «Հայկ Մարությանի մասին որևէ բան չունեմ ասելու, որևէ գնահատական տալ չեմ կարող: Կոռեկտ չի լինի իմ կողմից որևէ անձի, որևէ թեկնածուի  գնահատական տալը»,- ասաց Արեյանը: