Վիտալի Կլիչկոն ու Արթուր Աբրահամը՝ Սերժ Սարգսյանի առջեւ

Նախագահ Սերժ Սարգսյանն այսօր շնորհավորական հեռագիր է հղել բռնցքամարտիկ Արթուր Աբրահամին «փառահեղ հաղթանակով բռնցքամարտի աշխարհի չեմպիոնի կոչմանը կրկին արժանանալու առթիվ»: Հանրապետության նախագահը մաղթել է նրան քաջառողջություն, երջանկություն և մարզական նվաճումներով մեր հայրենակիցներին ուրախացնելու նորանոր առիթներ:

Թե մեկ էլ ե՞րբ էր հանրապետության նախագահը շնորհավորել Գերմանիայի դրոշի ներքո հանդես եկող Արթուր Աբրահամին, դժվարացանք հիշել: Գուցե նախագահին վախեցրե՞լ են ուկրաինական դեպքերն ու այդ ամենում նախկին բռնցքամարտիկ Վիտալի Կլիչկոյի դերը: Գուցե Սերժ Սարգսյանը կանխո՞ւմ է հայաստանյան Կլիչկոյի ծնունդը:

Այն, որ Արթուր Աբրահամը կդառնա մեր Կլիչկոն, գոնե ես չեմ հավատում` թեկուզ հաշվի առնելով Արթուրին քիչ թե շատ ծանոթ լինելու հանգամանքը:

Ի դեպ, վերջերս՝ մոտ երկու ամիս առաջ, ազատ խոսքի հարթակ հանդիսացող բաժնում, մեր թղթակիցներից մեկը մի ուշագրավ հոդված էր գրել՝ «Արթուր Աբրահամը՝ ընդդիմության առաջնո՞րդ»: Գուցե նախագահականում այս հոդվածի՞ց են վախեցել, ի՞նչ իմանաս…

Բ. Գասպարյան