Արթուր Աբրահամը չի մենամարտի

Գերմանաբնակ հայ բռնցքամարտիկ Արթուր Աբրահամի և Անդրե Ուորդի միջև մայիսի 14-ին ԱՄՆ-ում նախատեսված Super Six մրցաշարի կիսաեզրափակիչ հանդիպումը կարող է չկայանալ։ Արթուր Աբրահամի պրոմոութեր Վիլֆրիդ Զաուերլանդը սպառնացել է, որ կհրաժարվի մրցամարտից, քանի որ Կալիֆոռնիայի աթլետիկի հանձնաժողովը հանդիպմանը տեղի մրցավարի է նշանակել։

Զաուերլանդը համարում է, որ այդպիսով խախտվել է պայմանավորվածությունը, համաձայն որի` մրցավարը պետք է լիներ չեզոք՝ ո'չ ԱՄՆ-ից և ո'չ էլ Եվրոպայից, իսկ եզրային մրցավարները պետք է լինեին ԱՄՆ-ից, Եվրոպայից և մեկ այլ աշխարհամասից։ Զաուերլանդը նաև հավելել է, որ ամերիկացի մրցավարը օբյեկտիվությամբ աչքի չէր ընկել Արթուր Աբրահամ - Անդրե Դիրել մրցավեճում։