Լրագրողները չկարողացան համոզել Յանուկովիչին, որ նա այլևս նախագահ չէ

 Դոնի Ռոստովում շարունակվող մամուլի ասուլիսի ժամանակ լրագրողները բազմիցս հետաքրքրվեցին Ուկրաինայի պաշտոնանկ արված նախագահ Վիկտոր Յանուկովիչից՝ ինչպե՞ս է նա պատրաստվում վերադառնալ Ուկրաինա, պայքարել, օգնել ժողովրդին, եթե այլևս նախագահ չէ:

Յանուկովիչը հրաժարվեց ընդունել այդ փաստը և հայտարարեց. «Այդ բեմականացումը Ռադայում, պատգամավորների հանդեպ ուժի կիրառումը ես չեմ կարող իմպիչմենտ համարել: Ես չեմ ընդունել, չեն ընդունում և երբեք չեմ ընդունի այդ իմպիչմենտը»:

Ելույթի վերջում նա կոչ արեց «իրենց իշխանություն համարող անձանց» ուշքի գալ և վերջ դնել Ուկրաինայում շարունակվող տեռորին: Նա նաև ևս մեկ անգամ ներողություն խնդրեց բոլոր նրանցից, ում այդ հեղափոխությունը վնասներ է պատճառել: