Յանուկովիչին որտեղի՞ց խելք, անխելքներն են նրան ընտրել նախագահ. Աշոտ Աղաբաբյան

Մարդը միշտ ձգտում է առաջ գնալ, բայց պետք է առաջ գնալ ոչ թե գողության, այլ ազնիվ արդար ճանապարհով: Այս մասին լրագրողների հետ զրույցում ասաց ԱԺ ՀՀԿ խմբակցության պատգամավոր Աշոտ Աղաբաբյանը՝ խոսելով մարդկանց մեջ արմատացած` գողանալու բացասական երևույթի մասին:

Հարցին՝ հնարավոր է, որ Հայաստանում էլ օրերից մի օր բացահայտվեն անազնիվ ճանապարհով հարստացած պաշտոնյաների ունեցվածքի մասին տեղեկություններ, այնպես, ինչպես եղավ Ուկրաինայի նախագահի և ուկրաինական իշխանության ներկայացուցիչների հետ, Աշոտ Աղաբաբյանը պատասխանեց, որ կոնկրետ ՀՀ նախագահի դեպքում նման բան անհնար է պատկերացնել: «Ես նախագահին շատ լավ եմ ճանաչում, ինքը զինվորի հագուստից, մորուքից բռնած պատերազմի բովով անցած մարդ ա, ինքը իրան նման ճոխություններ թույլ չի տա: Բայց երբ դուք իրեն Յանուկովիչի հետ եք համեմատում, դա անհամեմատելի է»,- ասաց պատգամավորը:

Ըստ նրա` մարդը եթե ունևոր է, ուրեմն «էդքան խելք չունի՞, որ իր տան պատերը ոսկուց չանի»: Մեր այն հարցին՝ ուրեմն ստացվում է, որ լեգիտիմ ընտրված Յանուկովիչը խելք ուներ, պատգամավորը չհամաձայնեց. «Որտեղի՞ց խելք ուներ, անխելքներն են նրան ընտրել նախագահ»: