Եվրոպայի լիգա. հայկական թիմերը չկարողացան առավելության հասնել մրցակցի նկատմամբ

Մեկնարկել է Եվրոպայի լիգայի որակավորման  փուլը: Հայկական թիմերը՝ «Միկա»-ն, «Փյունիկ»-ը և «Գանձասար»-ը,  իրենց ուժերը չափեցին, համապատասխանաբար, Չեռնոգորիայի  «Ռուդար»-ի, Մակեդոնիայի «Տետեքս»-ի, Զազախստանի  «Ակտոբե»-ի հետ:

«Միկա»-ն և «Փյունիկ»-ը անցկացնում էին արտագնա հանդիպումներ, իսկ «Գանձասար»-ը «Ակտոբե»-ին հյուրընկալել էր Երևանի Վազգեն Սարգսյանի անվան  «Հանրապետական» մարզադաշտում:

 «Ռուդար» - «Միկա»  հանդիպման միակ գնդակը հեղինակեց  Դեյան Դամյանովիչը՝ 16-րդ րոպեին: Երևանյան թիմին չհաջողվեց մրցակցի դարպասը տանող  ուղիներ գտնել: 

Պատասխան հանդիպումը տեղի կունենա հուլիսի 9-ին Երևանում:

«Փյունիկ» - «Տետեքս» հանդիպման 81' «Փյունիկ»-ի կիսապաշտպան Վիուլեն Այվազյանը բացեց հանդիպման հաշիվը, սակայն երևանյան ակումբը, չկարողանալով պահպանել հաղթական հաշիվը, 90-րդ րոպեին գնդակ բաց թողեց:

Պատասխան հանդիպումը տեղի կունենա հուլիսի 11-ին Երևանում:

«Գանձասար»- «Ակտոբե» հանդիպումն ավարտվեց հյուրերի հաղթանակով՝ 1:2:  Հանդիպման 60-րդ րոպեին Սերգեյ Դավիդովը առաջ մղեց ղազախական թիմին՝ 1։0։ 78-րդ րոպեին Ասխաթ Տաղիբերգենը կրկնապատկեց իրենց առավելությունը։ Կապանի թիմին հաջողվեց կրճատել հաշվի տարբերությունը:  90+'1 րոպենին Արտակ Դաշյանը դարձավ գոլի հեղինակ, սակայն դա չփրկեց նրանց պարտությունից:

«Գանձասար»- «Ակտոբե» հանդիպման լուսանկարներն՝ այստեղ: