Հայ ըմբիշները երեք ոսկե մեդալ են նվաճել «Դան Կոլով - Նիկոլա Պետրով» հեղինակավոր մրցաշարում (ֆոտո)

Բուլղարիայի մայրաքաղաք Սոֆիայում փետրվարի 21-23-ը կայացել է ըմբշամարտի «Դան Կոլով - Նիկոլա Պետրով» 52-րդ միջազգային հեղինակավոր  մրցաշարը, որտեղ փայլուն են հանդես եկել հատկապես հայ հունահռոմեական ըմբիշները:

66 կգ քաշային Արամ Ջուլֆալակյանը, 75 կգ քաշային Արսեն Ջուլֆալակյանը, 98 կգ քաշային Արթուր Ալեքսանյանը նվաճեցին ոսկե մեդալներ: 59 կգ քաշային Կարեն Ասլանյանը եզրափակիչում պարտվեց բուլղարացի ըմբիշին և գրավեց երկրորդ տեղը: Բրոնզե մեդալներ նվաճեցին 75 կգ քաշային Կարապետ Չալյանը եւ 85 կգ քաշային Մաքսիմ Մանուկյանը, ով 3-րդ տեղի համար պայքարում առավելության հասավ Արթուր Շահինյանի նկատմամբ: Եվրոպայի կրկնակի չեմպիոն Արթուր Ալեքսանյանը   ճանաչվեց մրցաշարի լավագույն ըմբիշ:

Ազատ ոճի ըմբշամարտի մրցաշարում բրոնզե մեդալակիր դարձավ միայն 125 կգ քաշային Անդրանիկ Գալստյանը: Աշխարհի և Եվրոպայի  չեմպիոն Դավիթ Սաֆարյանը վստահ հաղթանակ տարավ առաջին գոտեմարտում չինացի ըմբիշի նկատմամբ, սակայն վնասեց մկանը և հրաժարվեց հետագա մասնակցությունից: Բրոնզե մեդալ նվաճելուն մոտ էին Մուսա Մուրթազալիևը և  Նարեկ Սանոյանը: Իրենց հնարավորություններից շատ ցածր հանդես եկան Էդգար Ենոքյանը և Դավիթ Ափոյանը: