Ըմբշամարտ. Արթուր Ալեքսանյանը ոսկե մեդալ է նվաճել միջազգային մրցաշարում

Բուլղարիայում ընթացող Դան Կոլովի և Նիկոլա Պետրովի անվան ըմբշամարտի միջազգային մրցաշարում այսօր` հունվարի 30-ին մրցագորգ դուրս եկավ Լոնդոնի Օլիմպիական խաղերի բրոնզե մեդալակիր, աշխարհի կրկնակի, Եվրոպայի եռակի չեմպիոն 98 կգ քաշային կարգի ըմբիշ Արթուր Ալեքսանյանը: Հաղորդում է ՀԱՕԿ պաշտոնական կայքը:

Հայ ըմբիշը քառորդ եզրափակիչում 8:0 հաշվով վստահ հաղթանակ տոնեց Եգիպտոսը ներկայացնող  Ահմեդ Օսմանի նկատմամբ: Ալեքսանյանի հաջորդ մրցակիցը իրանցի Ամիրհոսեին Հոսեինին էր, ում աշխարհի կրկնակի չեմպիոնը հաղթեց 8:0 հաշվով և դուրս եկավ եզրափակիչ, որտեղ 4:0 հաշվով առավելության հասավ բուլղար ըմբիշի նկատմամբ` երրորդ տարին անընդմեջ նվաճելով մրցաշարի ոսկե մեդալը:

Հունվարի 31-ին մրցագորգ դուրս կգան  Մաքսիմ Մանուկյանը և Արթուր Շահինյանը (85 կգ):