Գերմանացի պատգամավորը Էրդողանին կոչ է արել ներողություն խնդրել հայերից

Գերմանիայի խորհրդարանի Քրիստոնեա-դեմոկրատական կուսակցությունից պատգամավոր Էրիկա Սթեինբախը Թուրքիայի վարչապետ Ռեջեփ Թայիփ Էրդողանին կոչ է արել ներողություն խնդրել հայ ժողովրդից:

Ըստ Agos-ի` Էրիկա Սթեինբախը Հայոց Ցեղասպանության վերաբերյալ մի շարք հայտարարություններով է հանդես եկել:

«20-րդ դարի առաջին ցեղասպանության` Հայոց ցեղասպանության զոհերի զավակներից ներողություն խնդրելու և հաշտության ձեռք մեկնելու ժամանակը վաղուց եկել է: Ցեղասպանության մասին Թուրքիայի պատմության գրքերում նույնպես պետք է գրվի»,- ասել է Սթեինբախը:

Նշենք, որ նա Հրանտ Դինքի մահվան մասին 2007 թվականին հայտնել էր, որ պատասխանատուն Թուրքիան է: