Եթե լինելու է այդ արհավիրքը` պատերազմը, թող լինի հենց այսօր, հենց հիմա. Խաչիկ Ասրյան

Շուրջ 20 տարի Հայկական բարձրավանդակում տիրում է ո'չ խաղաղություն, ո'չ պատերազմ իրավիճակը, որի արդյունքում հայ-ադրբեջանական սահմանին տեղի են ունենում միջադեպեր, շատ դեպքերում` մահացու, հատկապես` ոսոխի կողմից դավադիր ու աննպատակ հարձակումների արդյունքում` մարտիրոսացված հերոսների տեսքով, որոնց մահը ողբում ենք մենք` ազգովի. Yerkir.am-ի հետ զրույցում հայտարարեց «Հայոց արծիվներ» հայրենակցական ՀԿ-ի նախագահ Խաչիկ Ասրյանը:

«Ես գրեթե ամեն օր շփվում եմ մեր զինվորների ու սպաների հետ ու ականատես եմ լինում մեր ապուպապերի` դարեր ի վեր երազած հայոց բանակի անընդհատ հզորացմանը, որն էլ ահուսարսափի մեջ է պահում հորինված ադրբեջանցիների կացնասեր սաֆարովյան փափկասուն ղեկավարներին»,- ասում է Խաչիկ Ասրյանը:

Նա վստահ է, որ եթե, Աստված մի արասցե, պատերազմ սկսվի, կառավարության և իշխանության մարմինները ներկայացնողների զգալի մասը վերցնելու է զենքը և պաշտպանելու է սահմանները, որովհետև կառավարության մեջ այնպիսի մարդիկ են աշխատում, որոնք շատ լավ են գիտակցում ՀՀ պաշտպանությունը: «Եթե լինելու է այդ արհավիրքը` հայ-ադրբեջանական պատերազմը, որը լինելու է Ադրբեջան կոչվող պետության կործանումը, ուրեմն թող լինի հենց այսօր, հենց հիմա, այլ ոչ թե բաժին հասնի մեր զավակներին»,- ասաց Խաչիկ Ասրյանը: