Անթույլատրելի է քննարկել հայոց նախագահի հրամանագրերը. Խաչիկ Ասրյան

Երեկվանից հանրությունը բուռն քննադատության է արժանացրել Սերժ Սարգսյանի հրամանագրերից մեկը, որով ամերիկահայ երգիչ Արմենչիկը արժանացավ վաստակավոր արտիստի կոչման:

Սպորտի և երիտասարդության հարցերի փոխնախարար Խաչիկ Ասրյանը լրագրողների հետ զրույցում այդ կապակցությամբ նշեց. «Միշտ էլ անթույլատրելի է եղել քննարկել հայոց նախագահի հրամանագրերը` անկախ բովանդակությունից, որովհետև անձամբ ես բացառիկ վստահություն ունեմ նախագահի որոշումների հանդեպ: Շատ լավ գիտակցում եմ` հանրապետության նախագահն այն անհատն է, ով լուրջ ճանապարհ է անցել` ազգային-ազատագրական պայքարից, բանակաշինությունից սկսած մինչև այսօր: Դա նշանակում է, որ նախագահի որոշումները քննարկելի չեն ինձ համար»:

Լրագրողների հարցին, թե արդյո՞ք Արմենչիկի երգերը Խաչիկ Ասրյանի ճաշակով են, նա պատասխանեց. «Իհարկե` ոչ, իմ ճաշակը ազգային երաժշտությունն է»: