Վարչապետի ցանկությունը` Ձմեռ պապից

Թվում է, թե աղքատության եւ արտագաղթի` նման պատկեր ունեցող երկրի վարչապետը խնդրելու բան, ցանկություն կունենա Ձմեռ պապից:

Այսօր մեծ ասուլիսի ժամանակ Yerkir.am-ը այս մասին լսելու ակնկալիքով վարչապետ Տիգրան Սարգսյանից հետաքրքրվեց, թե ի՞նչ  է ցանկանում Ձմեռ պապից:

Պարզվում է` Տիգրան Սարգսյանի ցանկությունն ընդամենը լրագրողներին է վերաբերում: «Ձմեռ պապից կխնդրեմ, որ մեր երիտասարդ լրագրողները լցվեն սիրով, որ տարածեն բարություն, չլինի լրատվական դաշտում չարություն, ատելության քարոզ, չլինեն պատվերով հոդվածներ, չվարկաբեկեն քաղաքացիներին: Այս բոլորն իմ ցանկությունն է: Մենք բոլորս կշահենք, կփոխվի միջավայրը, դրա փոփոխությունը բոլորիս շահերից է բխում»: