Լիլիթ Հովհաննիսյանը ″բառավորել″ է Մանսուրյանի երաժշտությունը

Երգչուհի Լիլիթ Հովհաննիսյանը «բառավորել» է բոլորիս քաջ հայտնի «Կտոր մը երկինքի» երաժշտությունը /կոմպոզիտոր` Տիգրան Մանսուրյան/:

Yerkir.am-ի հետ զրույցում ՀՀ ժողովրդական արտիստ Թովմաս Պողոսյանը նշեց, որ ինքը կողմ է երաժշական նման փոփոխություններին, եթե դա արվում է պրոֆեսիոնալ մակարդակով` անխաթար թողնելով մեղեդին ու երաժշտության ազգային դեմքը:

«Կողմ եմ, որ անցյալի մեր երաժշտությունը նորովի մատուցեն, բայց` ճաշակով: Սակայն այսօր շատ-շատ ողորմելի վիճակում է այդ խնդիրը, ինքնուս, սիրողական մակարդակով, «մշակում» են մեր մեծերի գործերը: Մարդիկ անգամ Սայաթ-Նովա են մշակում, այն մարդիկ, որոնք Սայաթ-Նովայի տեքստերը չեն հասկանում, բայց երգում են. երգում են` բառերը ծռմռելով»,- ասաց Պողոսյանը: