Դատախազի մոտից վերադառնալուց հետո Խուդոյանը քանդեց բերանի կարերը

Նախագահի նստավայրի մոտ հացադուլ հայտարարած եւ բերանը կարած Աշոտ Խուդոյանին այսօր ընդունել է գլխավոր դատախազ Գեւորգ Կոստանյանը: Նախագահական նստավայրի մոտից Yerkir.am-ի թղթակիցը հաղորդում է, որ Խուդոյանն արդեն վերադարձել է եւ հայտնել, որ Կոստանյանը իրեն հորդորել է դադարեցնել նստացույցն ու հացադուլը` խոստանալով, որ իր հսկողությամբ արդար քննություն կընթանա, եւ Խուդոյանը կկարողանա իրացնել իր իրավունքները:

Խուդոյանը հենց լրագրողների ներկայությամբ քանդեց բերանի կարերը` նշելով, որ սրանով իր բողոքի ակցիան չի ավարտվում: Նա ժամանակավորապես դադարեցնում է հացադուլը, որ ուժ հավաքի եւ կարողանա դատական ատյաններում իր խնդիրները լուծել: Խուդոյանն իր իրերի մի մասը թողեց նախագահականի մոտ, այժմ գնում է Էջմիածին, բայց եթե տեսնի, որ այս ամենն ընդամենը քաղաքական շոու է, կրկին կվերադառնա:

Տեսանյութը` քիչ անց: