Թրամփի Սպիտակ տուն վերադառնալուց հետո ԱՄՆ-ում տեղի են ունեցել առաջին զանգվածային բողոքի ցույցերը

ԱՄՆ-ի 50 նահանգում ավելի քան 1400 բողոքի ցույց է տեղի ունեցել ԱՄՆ նախագահ Դոնալդ Թրամփի և նրա գործընկեր, միլիարդատեր Իլոն Մասկի քաղաքականության դեմ: Ընդհանուր առմամբ՝ «Ձեռքերդ հեռու» կարգախոսով ցույցերին մասնակցել է մոտ 600 հազար մարդ, հայտնում է CNN-ը։ Դա ամենամեծ համազգային ցույցն էր այն բանից հետո, երբ Թրամփը վերադարձավ Սպիտակ տուն։

Ցույցերը կազմակերպել է 150 հասարակական խումբ։ Հանրահավաքներից առաջ կազմակերպիչները Թրամփին առաջադրել էին երեք հիմնական պահանջ՝ վերջ տալ «միլիարդատերերի իշխանությանը», դադարեցնել սոցիալական ծրագրերի և Medicaid-ի դաշնային ֆինանսավորումը և վերջ տալ փոքրամասնությունների վրա հարձակումներին: Հանրահավաքի մասնակիցները դեմ են արտահայտվել նաև տասնյակ հազարավոր պետական ​​աշխատողների կրճատմանը և դաշնային գերատեսչությունների փակմանը:

Ինքը՝ Թրամփը, անմիջապես չի մեկնաբանել հանրահավաքները։ Սոցիալական ցանցի իր էջում նա միայն զգուշացրել է ամերիկացիներին դժվար ժամանակների գալու մասին այն բանից հետո, երբ ԱՄՆ-ը մաքսատուրքեր է սահմանել այլ երկրների ապրանքների վրա։

«Սա տնտեսական հեղափոխություն է, և մենք հաղթելու ենք: Արդյունքը կլինի պատմական», - գրել է Թրամփը։