Ոստիկանությունը` Վարդան Պետրոսյանից ''փախած'' քննիչի մասին

Դերասան Վարդան Պետրոսյանի փաստաբան Նիկոլայ Բաղդասարյանն այսօր «Փաստիոնֆո»-ին հայտնել էր, որ իր պաշտպանյալին է այցելել Նաիրիի բաժնի քննիչը: Փաստաբանի խոսքով` երբ Վարդանը խնդրել է, որ իրեն տրամադրվեն օրենքով նախատեսված փաստաթղթերը, և այդ կապակցությամբ գրավոր միջնորդություն են ներկայացրել, քննիչը, չգիտես` ինչու, դադարեցրել է հարցաքննությունը և դուրս եկել հիվանդասենյակից: Բաղդասարյանը տեղեկացրել է, որ միջադեպից հետո ինքը զանգահարել է քննչական վարչության պետին` խնդրելով հանձնարարել քննիչին վերադառնալ և ավարտել հարցաքննությունը, բայց քննիչն այդպես էլ հետ չի եկել:

Կատարվածի վերաբերյալ yerkir.am-ին ոստիկանության լրատվական ծառայությունից հայտնեցին, որ նման բան չի եղել, փաստաբանի ասածներն անհեթեթություն են, իրականում քննիչն ավարտել է իր աշխատանքը, նոր` հեռացել: Իսկ կատարվածի վերաբերյալ մանրամասներ խոստացան տրամադրել ավելի ուշ: