Եթե իր մոր հանդեպ էր տենց, երկրի համար այլ կերպ չէր էլ լինի. հարևանուհին՝ Բաքու փախած Վահանի մասին

Բաքու փախած Վահան Մարտիրոսյանի մայրը՝ տիկին Ջուլիետան, իր և որդու միջեւ տեղի ունեցած վերջին միջադեպից հետո դուռը ոչ մեկի առջև չի բացում, անգամ` հարևանների:. Yerkir.am-ի հետ զրույցում պատմեցին Վահանի հարևանները: Նրանց խոսքով՝ այդ դեպքից հետո Վահանը կնոջ և երեխայի հետ հեռացել է տանից, և նրան այլևս չեն տեսել:

Հարևանների խոսքով՝ Վահանի հետ Բաքու փախած կինը նրա երրորդ կինն է: Մինչ այդ Վահան Մարտիրոսյանը հասցրել է երկու անգամ ամուսնանալ, յուրանքանչյուր կնոջից երեխաներ ունենալ:

«Առաջին կինն էլ, երկրորդն էլ երեխաների հետ փախան, ամեն օր կռիվ էր նրանց տանը, անգամ երեխաների ալիմենտները չէր տալիս»,- yerkir.am-ի հետ զրույցում ասաց հարևաններից տիկին Թամարան: Նրա խոսքով՝ Վահանը բանակում չի ծառայել, շիզոֆրենիկ է:

Անդրադառնալով Վահանի՝ Բաքվից ապաստան խնդրելուն և խայտառակ ասուլիսին, հարևանուհին ասաց. «Գնաց մեր թշնամիների մոտ, ուրիշ երկիր չկա՞ր, որ գնար: Երբ խմած էր լինում, ցսնկացած մարդու կարող էր անպատվել: Եթե իր մոր հանդեպ ա տենց, երկրի հանդեպ ո՞նց կարող էր այլ կերպ լինել»:

Մանրամասները՝ yerkir.am-ի տեսանյութում: