Պռոշյանի գյուղապետի ՀՀԿ-ական թեկնածուն Երեւանում էլ է քարոզչություն անում

Կոտայքի մարզի Պռոշյան գյուղում հուլիսի 14-ին գյուղապետի արտահերթ ընտրություններ են անցկացվելու: Թեեւ թեկնածուները 3-ն են, բայց հիմնական պայքարը գնալու է Պռոշյան համայնքի ղեկավարի տեղակալ, ինքնաառաջադրված, ՀՅԴ անդամ Վովա Սահակյանի եւ ինքնաառաջադրված, ՀՀԿ անդամ Արթուր Մուրադյանի միջեւ:

Yerkir.am-ն արդեն տեղեկացրել է, որ իշխանություններն ամեն ինչ անում են Արթուր Մուրադյանին գյուղապետ դարձնելու համար: Իշխանությունների եւ ՀՀԿ-ական թեկնածուի այդ ցանկությունն այնքան մեծ է, որ Մուրադյանի քարոզչական պաստառները հայտնվել են անգամ Երեւանում, մասնավորապես` Աջափնյակ վարչական շրջանում` երրորդ գյուղ տանող խաչմերուկի մոտ:

Լուսանկարը` Yerkir.am-ի: