Սահակաշվիլին գովել է Պուտինին Վրաստանի հանդեպ հարգանքի համար

Վրաստանի նախագահ Միխեիլ Սահակաշվիլին խոստովանել է, որ ռուսական ղեկավարությունը որոշակի հարգանքով է վերաբերվել Վրաստանին. հայտնում է Новости-Грузия-ն:

Միևնույն ժամանակ, Սահակաշվիլին դժգոհություն է հայտնել «Ռոսպոտրեբնադզոր»-ի ղեկավար Գենադի Օնիշչենկոյի վերաբերմունքից, որի գերատեսչությունից է կախված է Ռուսաստան վրացական գինու մատակարարումը:

«Ես ուզում եմ խոստովանել, որ Պուտինը մեծ հարգանքով է վերաբերվել մեզ: Նա մեզ դիտում էր որպես թշնամի, իսկ այսօր մենք գիտենք` ինչպիսի վերաբերմունք ունի Օնիշչենկոն»,- ասել է նա:

Օնիշչենկոյի կոնկրետ որ արտահայտություններ են առաջացրել Սահակաշվիլիի դժգոհությունը, հայտնի չէ: 2012-ի վերջին, սակայն, Известия-ի հետ հարցազրույցում, պատասխանելով Վրաստանի վերաբերյալ հարցերին, Օնիշչենկոն երկիրը «փոքր կեղծ պետություն» էր անվանել: