Ցեղասպան Էրդողանը հերթական անգամ գովել է Նիկոլ Փաշինյանին

Թուրքիայի նախագահ Ռեջեփ Թայիփ Էրդողանը հայտարարել է, որ Հարավային Կովկասի տարածաշրջանում նոր կարգ է հաստատվում, և նրա կարծիքով՝ Նիկոլ Փաշինյանը դա հասկանում է։

Փաշինյանը ավելի վաղ հայտարարել էր, որ հայկական կողմը հավատարիմ է Թուրքիայի հետ հարաբերությունների կարգավորման օրակարգին։

«Տարածաշրջանում նոր կարգ է հաստատվում։ Ժամանակն է դեն նետել այդ անհիմն հիշողությունները։ Միշտ ավելի լավ է գործել ժամանակի իրողություններին համապատասխան, քան հիմնվել հորինված պատմությունների վրա, որոնք կապ չունեն իրականության հետ։ Հիմա Փաշինյանն էլ է դա հասկանում»,-  լրագրողներին ասել է Էրդողանը։

Նրա խոսքով՝ պատմաբաններն առաջինն են հասկանում, թե ինչ է տեղի ունեցել անցյալում։

Ցեղասպան պետության ղեկավարը շարունակում է ցինիզմը․ մոռացության է տալիս անցյալը, այդ թվում Հայոց եղեռնի փաստը՝ անվանելով հորինված պատմություններ, և բերում Փաշինյանի օրինակը, որ վերջինս հասկացել է այդ ամենը և դեն է նետել հիշողությունները։