Արթուր Բաղդասարյանը քննարկե՞լ է ՕԵԿ-ի ''պահվածքը''

ՀՀԿ ԳՄ վերջին նիստում, ինչպես եւ սպասվում էր, ՀՀԿ ղեկավար, ՀՀ նախագահ Սերժ Սարգսյանը խոսեց խորհրդարանում քաղաքական մեծամասնության պահվածքի մասին: Հիշեցնենք, որ դրա պատճառը ԱԺ-ում ՎՊ տարեկան հաշվետվության քննարկման ժամանակ ՀՀԿ-ականների հնչեցրած ընդդիմադիր ելույթներն էին: Այդ օրերին ՀՀԿ-ական պատգամավորներից հետ չմնացին նաեւ ՕԵԿ-ականները: Հավանաբար կհիշեք, որ ՕԵԿ-ական պատգամավոր Հովհաննես Մարգարյանը ՎՊ նախագահ Իշխան Զաքարյանին անգամ առաջարկել էր հաջորդ նիստին ձեռնաշղթաներ բերել` մեղավորներին միանգամից ձերբակալելու համար: Նա անգամ կեսկատակ-կեսլուրջ առաջարկում էր կշտանալու մասին օրենք գրել: Ուշագրավ է, որ ՕԵԿ-ականների այս պահվածքի քննարկումը լուսանցքից դուրս մնաց:

Այսօր Yerkir.am-ի թղթակիցը ՕԵԿ նախագահ Արթուր Բաղդասարյանից փորձեց պարզել, թե, ի վերջո, նախատեսում է նման քննարկում` կապված ՕԵԿ պատգամավորների պահվածքի հետ:

«ՕԵԿ-ի պահվածքը մշտապես քննարկվում է մեր քաղաքական խորհրդում եւ ՕԵԿ պատգամավորների բոլոր գործողությունները համաձայնեցված են քաղաքական խորհորդի հետ»,- հայտարարեց ՕԵԿ նախագահը:

Արթուր Բաղդասարյանն անդրադարձավ նաեւ ՎՊ-ի լիազորությունները նվազեցնելու հավանականությանը եւ Իշխան Զաքարյանի հնչեցրած գնահատականներին: Մանրամասները` yerkir.am-ի տեսանյութում: