Մեծցա, մեծցա, մեծցա, մի բան մնաց նույնը` հասակս. Ազնավուր

Շառլ Ազնավուրի հրապարակում տեղի ունեցավ Շառլ Ազնավուրի աստղի բացման արարողությունը, որին անձամբ մասնակցեց Ազնավուրը:

Ազնավուրը կատակով նշեց, որ արդեն ֆրանսերեն խոսելն էլ է դժվարացել, իսկ հայերենը` սկսել է մոռանալ.«Մենակ մի բան կուզեմ ըսեմ, մեծցա, մեծցա, մեծցա, մի բան մնաց նույնը` հասակս»:

Հայաստանի արտգործնախարար Էդվարդ Նալբանդյանն էլ, իր հերթին, նշեց, որ բացվել է մի աստղ, որը խորհրդանշելու է մեծ հայի, մեծ արվեստագետի, ֆրանսերեն լեզվի մեծ դեսպանի, մեծ երգչի եւ մեծ դերասանի գոյությունը:

«Բայց այն խորհրդանշելու է նաեւ հազարավոր այն փոքր աստղերը, որոնք մեր սրտերում են` քո երգերի շնորհիվ: Տարիներ առաջ դու երգում էիր` մենք միշտ երջանիկ կլինենք, քանի կլինեն աստղերը երկնակամարում: Մենք բոլորս ցանկանում ենք, որ քո աստղը, որը ուղեկցելու է մեզ մեր քաղաքի սրտում, եւ քո աստղը, որը երկնքում է, հարատեւ լույս բերեն»,- ասաց Նալբանդյանը: