Երեւանցիների կեսը ցանկանում է արտագաղթել

Երեւանի քաղաքացիների 46 տոկոսը ցանկանում է հեռանալ Հայաստանից: Տղամարդկանց 50 տոկոսն է ցանկանում հեռանալ, կանանց՝ 42,4 տոկոսը, 18-29 տարեկան երիտասարդների 52 տոկոսը, տարեցների՝ 40 տոկոսը: Իհարկե, ցանկություն հայտնողներից ոչ բոլորն են հեռանում երկրից, սակայն փաստ է, որ բնակչության մոտ կեսը չի ուզում ապրել Հայաստանում: Այս հարցումն անցկացվել է Երեւանի սոցիոլոգիական ասոցիացիայի նախաձեռնությամբ, Երեւանի 1000 քաղաքացիների շրջանում, մայիսի 15-ից 25-ը:

Միայն 2013թ. հունվար-մարտ ամիսներին երկիրը լքել է 35 հազար մարդ՝ 10 հազարով ավելի նախորդ տարվա նույն ժամանակահատվածի համեմատությամբ:

Այսօրվա մամուլի ասուլիսի ընթացքում հայկական սոցիոլոգիական ասոցիացիայի նախագահ Գեւորգ Պողոսյանը արտագաղթի 4 հիմնական պատճառ նշեց՝

աշխատանք չկա - 31,7 %,

հեռանկար չկա - 29,6%,

արդարություն չկա - 19,3%,

ապրուստ չկա - 17,2%:

Հարցվածների կեսից ավելին նշել են` կցանկանային, որ իրենց երեխաներն ապրեն արտասահմանում: