Ըստ Gallup-ի` Հայաստանի բնակչության 40%-ը ցանկանում է արտագաղթել

Gallup կազմակերպությունն այսօր հրապարակել է իր հերթական հարցման արդյունքները, այս անգամ` արտագաղթի վերաբերյալ:

Կազմակերպությունը հարցում է անցկացրել նախկին ԽՍՀՄ երկրներում` Հայաստանում, Մոլդովայում, Ուկրաինայում, Բելառուսում, Ղրղզստանում, Ռուսաստանում, Ադրբեջանում, Վրաստանում, Ղազախստանում, Տաջիկստանում, Թուրքմենստանում և Ուզբեկստանում: Պարզվել է, որ այս երկրներից ամենաշատը Հայաստանից են ցանկանում արտագաղթել` 40 տոկոս: Մինչդեռ հարևան Վրաստանում, Ադրբեջանում և Ռուսաստանում այդ թիվը կազմում է 14 տոկոս:

Արտագաղթելու ցանկություն ունեցողների ամենաքիչ տոկոսը Ուզբեկստանում է: Այստեղ երկիրը մեկընդմիշտ լքելու ցանկություն է հայտնել հարցվածների 5 տոկոսը: Համեմատաբար բարձր է ցուցանիշը Մոլդովայում` 32 տոկոս: Բելառուսում արտագաղթելու միտում ունեցող մարդկանց տոկոսը կազմել է 17, Ուկրաինայում` 21:

Ի դեպ, հարցումն անցկացվել է 2011-2012թթ. ընթացքում: