Իրանը հրաժարվում է համագործակցել ԱԷՄԳ-ի հետ

Իրանը հրաժարվում է համագործակցել Ատոմային էներգիայի միջազգային գործակալության հետ իր միջուկային ծրագրի հնարավոր ռազմական բաղադրիչի հարցում. այսօր հայտարարել է գործակալության գլխավոր տնօրեն Յուկիա Ամանոն: Ըստ նրա`  Իրանի միջուկային ծրագիրը շատ բարդ է, հին պատմություն ունի:

Ամանոն ընդգծել է, որ բոլոր պետությունները, այդ թվում` Իրանը, պարտավորություններ ունեն ԱԷՄԳ-ի առաջ: «Դա մեր նպատակն է եւ այդպիսին են մեր չափանիշները»,- հայտարարել է նա:

Ըստ Ամանոյի` գործակալությունը չի կարող ստուգել` Իրանի միջուկային ծրագիրը խաղաղ նպատակների համա՞ր է մշակվում, թե՞ ոչ: Միաժամանակ, տեղեկություն կա, որ Իրանը ներգրավված է պայթուցիկ նյութերի արտադրության մեջ: «Անհրաժեշտություն կա պարզաբանումների, սակայն Իրանը չի համագործակցում մեզ հետ»,- ասել է ԱԷՄԳ գլխավոր տնօրենը: