Փոխարժեքներ
28 10 2024
|
||
---|---|---|
USD | ⚊ | $ 387.25 |
EUR | ⚊ | € 419.2 |
RUB | ⚊ | ₽ 4.01 |
GBP | ⚊ | £ 502.92 |
GEL | ⚊ | ₾ 141.79 |
Իրանը պատրաստ է համագործակցել Հայաստանի հետ տեխնիկական և ինժեներական ծառայությունների արտահանման հարցում՝ երկու երկրների միջև հաղորդակցության նոր միջանցք ավարտելու նպատակով։ Ինչպես հայտնում է dolat.ir-ը, այս մասին Թեհրանում Հայաստանի դեսպան Արսեն Ավագյանի հետ հանդիպման ժամանակ ասել է ճանապարհների եւ քաղաքաշինության փոխնախարար Խայրուլլահ Խադեմին։
Խայրուլլահ Խադեմին ասել է, որ Իրանը ձգտում է ամրապնդել իր տարանցիկ առավելությունները՝ կառուցելով նոր միջազգային ուղիներ։
Այդ նպատակով կառուցվել կամ կառուցվում են նոր ճանապարհային, երկաթուղային և ծովային ուղիներ, որոնք կհեշտացնեն Իրանի մուտքը Հյուսիս-հարավ միջանցքի և եվրոպական միջանցքի երկրներ, կնվազեցնեն փոխադրման ժամանակը, հետևաբար՝ կնվազեցնեն տրանսպորտային ծախսերը։
Իրանը ներկայումս ապահովում է Հայաստանի հետ այս հաղորդակցությունն ավարտելու պայմանները՝ Թավրիզից դեպի Նորդուզ սահման ճանապարհ կառուցելով։