ԱԷՄԳ-ն համաձայնության չի եկել Թեհրանի հետ

Ատոմային էներգիայի միջազգային գործակալության գլխավոր տնօրեն Յուկիո Ամանոն հայտարարել է, որ Թեհրանի հետ Իրանի միոջւկային ծրագրի վերաբերյալ մեկ տարի ձգվող բանակցությունները որեւէ իրական արդյունք չեն տվել. տեղեկացնում է Ynet-ը: «Իրանը պետք է համագործակցի մեզ հետ, որպեսզի հնարավոր լինել պայմանավորվածություն ձեռք բերել դիվանագիտական ճանապարհով վիճելի հարցերը լուծելու գործում»,- ասել է նա:

Ըստ Ամանոյի` իրենք չեն ասում, որ Իրանը միջուկային զենք է ստեղծել կամ  որոշել է ստեղծել այն: «Մենք պնդում ենք, որ տեղեկատվություն ունենք, որ Իրանում նման գիտական գործունեություն է ծավալվում, որը կարող է հիմք լինել ատոմային զենքի ստեղծման համար: Իրանը պարտավոր է բացատրություն տալ այդ գործունեության առանձնահատկությունների եւ մասշտաբների վերաբերյալ»,- հայտարարել է նա: