ԱԺ կայքում պատգամավորներին ներկա-բացակա կանեն

ՀՀ Ազգային ժողովի նախագահ Հովիկ Աբրահամյանի հանձնարարությամբ` այսուհետ խորհրդարանի կայքում կդրվեն նիստերին ներկա եւ նիստերից բացակայող պատգամավորների անունները: Այսօր Աբրահամյանն այդ մասին տեղեկացրել է Ազգային ժողովում, երբ քվեարկությունից առաջ որոշ պատգամավորներ փորձել են լքել դահլիճը: Նա նշել է, որ ընտրողները պետք է իմանան բացակայողների անունները, որ հետագայում նրանց չընտրեն:

Իսկ նիստից հետո լրագրողների հետ հանդիպման ժամանակ ԱԺ նախագահը նշել է, որ բացակայող պատգամավորները կզրկվեն աշխատավարձերից:

Parliamentmonitoring.am-ի համաձայն` ամենաշատ բացակայող պատգամավորը Գագիկ Ծառուկյանն է, նրան հաջորդում են Ստեփան Դեմիրճյանը, Հրանտ Բագրատյանը, Գուրգեն Արսենյանը եւ Դավիթ Հարությունյանը: