Այն, ինչ մերն է, իմ սրտում է. Շահեն Մեղրյան

Այսօր «Առնո Բաբաջանյան» համերգասրահում տեղի ունեցավ ազատամարտիկ Շահեն Մեղրյանի եւ նրա զինակից ընկերների զոհվելու 20-րդ տարելիցին նվիրված հիշատակի ցերեկույթ, որի ընթացքում Շահեն Մեղրյանին հայրենիքի պաշտպանության համար հետմահու շնորհվեց  մեդալ:

Մեղրյանի մարտական ընկերը` Լեւոն Մելիք-Շահնազարյանը, yerkir.am-ի հետ զրույցում նշեց, որ Մեղրյանը դարձել էր դաս, կրկնօրինակման արժանի հերոս երիտասարդության եւ զինվորների համար:

«Մեղրյանը շատ հումորով էր: Հիշում եմ, երբ գյուղերն ազատագրել էինք, նա մտնում էր տնետուն եւ ասում, թե ինքը պետք է ճանաչի` որ թուրքը կոնկրետ որ հայի գույքն է գողացել: Շահենը, իսկապես, ճանաչեց մի քանիսի գորգերը: Ես երբ ասացի, թե Շահեն, ինչ է` մեկ-մեկ նկարե՞լ ես այդ գորգերը,  պատասխանեց` այն, ինչ մերն է, իմ սրտում միշտ հիշվում է»,- պատմեց Մելիք-Շահնազարյանը:

Մանրամասները` տեսանյութում: