Սիրիայում բոյկոտելու են թուրքական արտադրանքը

Սիրիայի էկոնոմիկայի եւ արտաքին առեւտրի փոխնախարար Աբդել Սալյամ Ալին հայտարարել է, որ նախարարությունը մոտ ժամանակներս կստանա Նախարարների խորհրդի համաձայնությունը որոշ թուրքական ընկերությունների արտադրանքը բոյկոտելու հատուկ բյուրո ստեղծելու համար: Այդ ընկերությունները մասնակից են Սիրիայի տնտեսության քայքայմանը. տեղեկացնում է Regnumը` վկայակոչելով սիրիական SANA գործակալությունը:

Փոխնախարարն ընդգծել է, որ այդ ընկերությունների նկատմամբ պատժամիջոցները ենթադրում են, որ ապագայում դրանք Սիրիայում ներդրումներ կատարելու հնարավորություն չեն ունենա եւ դրանց հետ արտահանում-ներմուծում գործողությունները կդադարեցվեն:

Իր հերթին, Սիրիայի առեւտրատնտեսական պալատի նախագահ Ֆարես աշ Շիհաբին հայտարարել է, որ ստեղծվելիք բյուրոն արգելափակելու է Էրդողանի կառավարության հետ համագործակցող, նրա նախընտրական արշավը ֆինանսավորող ընկերությունների հետ համագործակցությունը, նաեւ այն հիմնարկների, որոնք խախտում են սիրիական օրենքները: