Պակիստանն արգելել է Ջոն Քերիին այցելել Իսլամաբադ

Պակիստանի իշխանությունները ԱՄՆ պետքարտուղար Ջոն Քերիին թույլ չեն տվել աշխատանքային այց կատարել Իսլամաբադ: Քերիին խորհուրդ են տվել Պակիստան ժամանել մայիսի 11-ին նախատեսված խորհրդարանական ընտրություններից եւ կառավարության ձեւավորումից հետո. տեղեկացնում է ИТАР-ТАСС-ը:

ԱՄՆ պետքարտուղարը ծրագրում էր այցելել Պակիստան Աֆղանստան աշխատանքային այցից անմիջապես հետո, ուր եկել էր երկուշաբի օրը` առանց նախապես համաձայնեցնելու: Մերժում ստանալուց հետո նա ստիպված է եղել Պակիստան ուղարկել Աֆղանստանում ԱՄՆ նախագահի հատուկ ներկայացուցչի առաջին տեղակալ Դեւիդ Պիրսին, որը Պակիստանի ԱԳՆ-ի հետ քննարկել է ներաֆղանական կարգավորման հարցը: