Հայամետ սենատորները հարցեր են ուղղել Ջոն Քերիին

ԱՄՆ պետքարտուղարի պաշտոնում սենատոր Ջոն Քերիի  թեկնածության  հաստատման ժամանակ սենատորներ Ռոբերտ Մենենդեզը եւ Բարբարա Բոքսերը հարցեր են ուղղել նրան, որոնք վերաբերել են Հայոց ցեղասպանության ճանաչմանը եւ Ադրբեջանի կողմից ԼՂՀ-ին պարբերաբար սպառնալիքներ հնչեցնելուն. տեղեկացնում է ՀՅԴ Ամերիկայի Հայ Դատի հանձնախումբը:

Սենատոր Մենենդեզի` ԱՄՆ-ի կողմից Հայոց ցեղասպանության ճանաչման մասին հարցին Քերին պատասխանել է, որ ամեն ինչ կանի հարցին լուծում տալու համար:

Սենատոր Բոքսերի հարցին, թե ի՞նչ քայրել կանի Քերին Ալիեւի կողմից ներում ստացած Սաֆարովի հարցի կապակցությամբ, Քերին պատասխանել է, որ ԱՄՆ-ը` որպես ԵԱՀԿ համանախագահ, պետք է ամեն ջանք գործադրի, որպեսզի ԼՂ հիմնախնդիրը խաղաղ լուծում ստանա, նաեւ հիշեցրել, որ ԱՄՆ-ը քննադատել է Ալիեւի այդ քայլը:

Իսկ սենատոր Մենենդեզի` հայ-թուրքական արձանագրությունների վերաբերյալ հարցին Քերին պատասխանել է, որ ԱՄՆ-ը կողմ է երկու երկրների միջեւ հարաբերությունների բարելավմանը:

Հիշեցնենք, որ Ջոն Քերիի թեկնածությունը ԱՄՆ պետքարտուղարի պաշտոնում հաստատվել է: Այսօր նա կանցնի իր պարտականությունների կատարմանը: Քերին հայամետ դիրքորոշում ունեցող գործիչ է: Նա հեղինակել է ԱՄՆ Սահմանադրության 907-րդ փոփոխությունը` «Ազատությանը աջակցման ակտը», ըստ որի` ԱՄՆ կառավարությանն արգելվում է օգնություն ցուցաբերել Ադրբեջանի պաշտոնական կառույցներին: