Արաղչին Իսլամաբադ իր այցի նպատակն է անվանել Պակիստանի և Հնդկաստանի միջև լարվածության թուլացումը

Իրանի արտաքին գործերի նախարար Աբբաս Արաղչին պաշտոնական այցով ժամանել է Իսլամաբադ։

Արաղչին նշել է, որ այցի ընթացքում կքննարկի երկկողմ հարաբերություններն ու տարածաշրջանային հարցերը՝ ավելացնելով, որ քայլեր է ձեռնարկում Իրանի և Պակիստանի միջև համագործակցությունն ավելի լավ ուղու վրա դնելու ուղղությամբ։

Արաղչին մեծ նշանակություն է տվել երկու երկրների միջև հարաբերություններին՝ կարևորելով Իրանի հարաբերությունները տարածաշրջանի այլ երկրների, այդ թվում՝ Հնդկաստանի հետ։ Նա նաև ընդգծել է Հնդկաստանի և Պակիստանի միջև լարվածությունը նվազեցնելու Թեհրանի կոչը։

Իրանի արտգործնախարարի խոսքով՝ տարածաշրջանում ստեղծված իրավիճակը շատ կարևոր է Իրանի համար։

Արաղչին նշել է, որ Իսլամաբադ կատարած իր այցի հիմնական նպատակներից մեկը Պակիստանի և Հնդկաստանի միջև լարվածության նվազեցումն է։

Պակիստանից հետո Արաղչին նաև նախատեսում է մեկնել Հնդկաստան։