Փոխարժեքներ
25 10 2024
|
||
---|---|---|
USD | ⚊ | $ 387.14 |
EUR | ⚊ | € 418.07 |
RUB | ⚊ | ₽ 4 |
GBP | ⚊ | £ 502.2 |
GEL | ⚊ | ₾ 141.94 |
Րաֆֆի Հովհաննիսյանի հացադուլն իր անձին ուղղված վերջնագիր է եւ ուրիշ ոչ ոքի. այսօր լրագրողների հետ հանդիպման ժամանակ ասաց «Ժառանգության» առաջնորդը` անդրադառնալով ԱԺ նախագահ Հովիկ Աբրահամյանի` իր հացադուլին տրված գնահատականին:
Եվ քանի որ այդ «վերջնագիրը» ոչ ոքի ուղղված չէ, Րաֆֆի Հովհաննիսյանը բոլորին հորդորեց մեկնաբանություններ չանել եւ հայտարարեց, որ ինքն այլեւս նման հարցեր, բացի Սերժ Սարգսյանից, այլ մարդկանց հետ չի քննարկի: Իսկ Հովիկ Աբրահամյանի հայտարարությունը մեկնաբանելու առումով էլ նշեց, որ նա ոչ ոք է, այդ պատճառով չի մեկնաբանի նրա հայտարարությունները:
«Եթե նա առաջարկներ ունի, ես կլսեմ, բայց դրանք պետք է լինեն համապետական խնդիրներ լուծող առաջարկներ: Ով ուզում է ուղիղ ինձ առաջարկ անել, ես սիրով կլսեմ, բայց ժողովրդի պահանջը եւ իրավունքները պետք է ընդգծված լինեն այդ առաջարկի մեջ»,- ասաց Րաֆֆի Հովհաննիսյանը:
Ինչ վերաբերում է հարցին, թե Սերժ Սարգսյանի կողմից կոնկրետ ինչպիսի՞ առաջարկներ է սպասում ինքը, «Ժառանգության» առաջնորդը պատասխանեց, որ կոնկրետ ոչ մի առաջարկ էլ չի սպասում, բայց եթե Սերժ Սարգսյանը գա Ազատության հրապարակ, ինքը սիրով կլսի նրա առաջարկները: Ազատության հրապարակում իրեն այցելող` իշխանության ներկայացուցիչներից Րաֆֆի Հովհաննիսյանը շնորհակալ է, իսկ ԱԺ նախագահի այցի կապակցությամբ կրկնեց, որ եթե որեւէ մեկն այցելում է իրեն` բխեցնելու համար ինչ-որ միջնորդական առաքելություն իր եւ Սերժ Սարգսյանի միջեւ, ապա ինքն այդ ձեւն ու երեւույթը մերժում է:
Լրագրողների հարցին` ի՞նչ դիրքորոշում ունի Րաֆֆի Հովհաննիսյանը` Հովիկ Աբրահամյանի կողմից արված առաջարկին` ստեղծել Սահմանադրական հանձնաժողով, որը կղեկավարի ինքը, նա պատասխանեց, որ ԱԺ-ում եղել են ոչ պաշտոնական քննարկումներ խմբակցությունների միջեւ, բայց իր հետ այդպիսի քննարկում չի եղել: Նա հորդորեց ԱԺ-ում ոչ պաշտոնական քննարկումները չընկալել որպես իրեն արված առաջարկ` դրանք անվանելով պատրանք, ու հիշեցրեց, որ հենց ԱԺ-ում այդ նույն ոչ պաշտոնական քննարկումների ժամանակ ԱԺ «Ժառանգություն» խմբակցությունը մերժել է Սահմանադրական հանձնաժողով ստեղծելու մասին առաջարկությունը: