Հովիկ Աբրահամյանը խնամուն չի ընտրելու

Հարցին, թե առաջիկա նախագահական ընտրություններին «Բարգավաճ Հայաստան» կուսակցությունը ո՞ւմ թեկնածությունն է պաշտպանելու, ԱԺ նախագահ Հովիկ Աբրահամյանը հարցով պատասխանեց. «Իսկ ինչո՞ւ եք ինձ հարցնում»:

«Որովհետեւ դուք շատ մտերիմ հարաբերություններ ունեք այդ կուսակցության ղեկավարի հետ» պատասխանը լսելուց հետո Հ. Աբրահամյանն ասաց, որ խնամիաբարեկամական հարաբերությունները կապ չունեն քաղաքականության հետ:

Նա կողմ է, որ իր կուսակցությունը` ՀՀԿ-ն, պաշտպանի ներկայիս գործող նախագահ Սերժ Սարգսյանի թեկնածությունը: Ինչ վերաբերում է ԲՀԿ-ին, այլ միշտ էլ պաշտպանել է Սերժ Սարգսյանի թեկնածությունը, եւ Հովիկ Աբրահամյանը գրեթե վստահ է, որ ապագայում էլ նրան է պաշտպանելու:

Իսկ եթե նույնիսկ Գագիկ Ծառուկյանի թեկնածությունն առաջադրվի, միեւնույն է՝ Հովիկ Աբրահամյանը Սերժ Սարգսյանին է ընտրելու: