ԺՈՂՈՎՈՒՐԴ. Հովիկ Աբրահամյանը գնացել է Մոսկվա` "դաբրո" ստանալու

Ինչքան ահագնանում են ՀՀ վարչապետ Տիգրան Սարգսյանի հնարավոր պաշտոնանկության մասին լուրերը, այնքան շատանում են ՀՀ վարչապետի աթոռի հավակնողների անունները:

Ըստ «Ժողովուրդ»-ի տեղեկությունների՝ վերջին շրջանում Հայաստանից մի շարք պաշտոնյաներ տարբեր առիթներով մեկնում են Մոսկվա՝ իրենց ունեցած կապերով վարչապետ դառնալու համար անհրաժեշտ «դաբրո» ստանալու:

Նրանցից ամենաակտիվն ԱԺ նախագահ Հովիկ Աբրահամյանն է, ով, թերթի մոսկովյան աղբյուների հաղորդմամբ, Մոսկվայում իրեն մատուցել է իբրև անփոխարինելի վարչապետ:

Ճիշտ է, նա ո՛չ ՌԴ նախագահ Դմիտրի Մեդվեդևի, ո՛չ էլ վարչապետ Վլադիմիր Պուտինի հետ չի հանդիպել, բայց ճիշտ խողովակներ ընտրել է՝ իր խնդրանքը վերադասին հասցնելու համար:
Թերթի աղբյուների փոխանցմամբ՝ Աբրահամյանին, սակայն, դեռ չի հաջողվել ստանալ Մոսկվայի թեկուզ ոչ պաշտոնական աջակցությունը: