Հովիկ Աբրահամյանը վարչապետ դառնալ էր ուզում

Ազգային ժողովի նախագահ Հովիկ Աբրահամյանը այսօր լրագրողների հետ հանդիպման ժամանակ խոստովանեց, որ մի ժամանակ վարչապետ դառնալու ցանկություն է ունեցել, բայց հիմա էլ չի ուզում. «Որովհետեւ իմ պաշտոնը վարչապետի պաշտոնից ավելի բարձր է»:

Հանրապետության նախագահ դառնալ էլ չի ուզում, որովհետեւ պատասխանատու եւ ծանր աշխատանք է. «Հայերի վատ կողմն այն է, որ բոլորն են ցանկանում նախագահ լինել` անկախ նրանից կարո՞ղ են, թե՞ ոչ»:

Դիտարկմանը, թե, չնայած պաշտոնի բարձր լինելուն, այսօր վարչապետն է թելադրում Ազգային ժողովին, Հ. Աբրահամյանը պատասխանեց. «Եթե կառավարության որեւէ անդամ կասի, թե ինքը կարող է թելադրել ԱԺ-ին, ապա ինքը կարող է երազախաբ լինել»:

ԱԺ նախագահն ասաց նաեւ, որ եթե իր կուսակցությունն իրենից պահանջի հրաժարական տալ, ապա հրաժարական կտա, սակայն դեռեւս նման պահանջ չկա: