Samsung-ը ոտնահարում է աշխատողների իրավունքները

Ֆրանսիական երեք իրավապաշտպան կազմակերպություն հայց են ներկայացրել դատարան` նշելով, որ Samsung ընկերությունը ոտնահարում է իր աշխատակիցների իրավունքները:

Ինչպես գրում է Financial Times-ը, իրավապաշտպանները իրենց հայցում հղում են անում China Labor Watch ամերիկյան իրավապաշտպան կազմակերպության զեկույցներին, որոնցում նշվում են մի շարք իրավախախտումներ, որոնք հայտանաբերվել են  Samsung-ի`  Չինաստանում գտնվող գործարաններում: Մասնավորապես` խոսքը վերաբերում է երեխաներին ապօրինաբար աշխատացնելուն:

Այսպիսով` իրավապաշտպանները նշում են, որ սա առաջին փորձն է, երբ պետք է դատական կարգով պատիժ կիրառվի նման խոշոր ընկերությունների դեմ, ովքեր բարձրաձայնում են, թե աշխատում են` օրենքի տառին հետևելով, այնինչ` իրականությունը բոլորովին այլ է:

Ավելի վաղ նման աղմուկ էր բարձրացել նաև թայվանական Foxconn ընկերության կապակցությամբ, որը զբաղվում է Apple-ի սարքավորումները հավաքելով: