Թուրքիայում բողոքում են Patriot-ների դեմ

Թուրքիայի ընդդիմադիր Կոմունիստական կուսակցության ներկայացուցիչները բողոքի հանրահավաք են կազմակերպել Patriot հրթիռային համալիրների դեմ, որոնք տեղակայվելու են երկրի տարածքում. տեղեկացնում է Mignews.com-ը` վկայակոչելով իրանական Press TV-ն: 

Անկարայի փողոցներում երեկ հազարավոր մարդիկ իրենց բողոք են արտահայտել` տանելով «ՆԱՏՕ, դուրս Թուրքիայից» կարգախոսով պաստառներ:

Հիշեցնենք, որ Թուրքիան Patriot-ներ էր խնդրել ՆԱՏՕ-ից թուրք-սիրիական սահմանին տեղակայելու համար: Համակարգերն ամբողջությամբ կտեղակայվեն 2013-ի հունվարի վերջին: Թուրքիայի այդ քայլը արժանացել է Սիրիայի, Իրանի եւ Ռուսաստանի քննադատությանը: