Սահմանին Patriot-ների տեղադրումը կարող է հանգեցնել սադրանքների. ՌԴ ԱԳՆ

Թուրք-սիրիական սահմանին Patriot հրթիռային համակարգերի տեղադրումը կարող է հանգեցնել սադրանքների. ИТАР-ТАСС-ին տված հարցազրույցում կարծիք է հայտնել ՌԴ փոխարտգործնախարար Գենադի Գատիլովը:

«Եթե Թուրքիան համարում է, որ դա անհրաժեշտ է իր անվտանգությանը, դա նրա ազգային որոշումն է: Ընդհանուր առմամբ, եւ դա նշվել է փորձագետների կողմից, նման համալիրների անհրաժեշտություն չկա: Հետեւաբար, բնական է` այդ նոր գործոնի ավելացումը չի նպաստի իրադրության կայունացմանը: Ընդհակառակը` այդ քայլը մեծացնում է հակամարտության աստիճանը եւ լարվածությունը տարածաշրջանում»,- նշել է նա` հավելելով, որ հնարավոր են նաեւ սադրանքներ:

Դրանք, ըստ Գատիլովի, կարող են ի հայտ գալ նաեւ` կապված քիմիական զենքի հետ. կսադրեն, հետո սիրիական կառավարությանը կմեղադրեն այն կիրառելու մեջ: