Իվանիշվիլիի այցը Ադրբեջան կազդի՞ հայ-վրացական հարաբերությունների վրա

ՀՅԴ Հայ դատի եւ քաղաքական հարցերի գրասենյակի պատասխանատու Կիրո Մանոյանի կարծիքով` հայ-վրացական հարաբերությունները շատ անձնավորված են, ինչը ի վնաս Հայաստանի է: Ըստ նրա` Հայաստանի համար պետք է ընդունելի լինի վրաց ժողովրդի կողմից ընտրված ցանկացած իշխանություն,  մեր իշխանություններն իրենք չպետք է նախապատվություն տան որևէ  քաղաքական ուժի:

Yerkir.am-ի հարցին, թե Իվանիշվիլիի երեկվա այցը Ադրբեջան, որևէ ազդեցություն կարո՞ղ է ունենալ հայ-վրացական հետագա հարաբերությունների վրա, Մանոյանը պատասխանեց. «Վերջին տարիներին Վրաստանի պետական քաղաքակությունը եղել է ադրբեջանամետ և թուրքամետ,  երբեմն` ի վնաս Հայաստանի: Եթե Վրաստանի իշխանությունների կողմից փոփոխություն պետք է լինի Հայաստանի հետ, նույնը կլինի նաև Թուրքիայի և Ադրբեջանի հետ հարաբերություններում:  Իվանիշվիլին Հայաստանի հետ հարաբերություններում որոշ փոփոխությունների նշաններ ցույց տվեց, սակայն դրանից ենթադրություններ չարժե անել, այլ հարկավոր է սպասել հետագա զարգացումներին»: