Իվանիշվիլիի այցը Հայաստան ոչինչ չի փոխի

Հայ-վրացական հարաբերությունները երկար ժամանակ է` որևէ լուրջ առաջընթաց չեն արձանագրել: Ավելին` ժամանակ առ ժամանակ ի հայտ են գալիս որոշակի հակասություններ, որոք ցույց են տալիս առկա հարաբերությունների ոչ հղկված լինելը: Այս մասին լրագրողների հետ հանդիպման ժամանակ հայտարարեց վրացագետ Հայկազուն Ալվրցյանը:

Նրա խոսքով` Հայաստանն ունի բոլոր իրավունքները` հետաքրքրվելու ջավախահայերի կյանքով, սակայն դա չի նշանակում, որ դրանով մենք միջամտում ենք Վրաստանի ներքին գործերին:

Yerkir.am-ի հարցին` Իվանիշվիլիի այցը Հայաստան որևէ փոփոխություն կառաջացնի՞  հայ-վրացական հարաբերություններում, Ալվրցյանը պատասխանեց. «Իվանիշվիլիի այցով երկու երկրների միջև նոր հարաբերություններ ստեղծելու` իրական հիմքեր չկան: Չեմ կարծում, որ Իվանիշվիլին իր այցից հետո հայամետ դիրքորոշում որդեգրի, քանի որ Վրաստանի և Ադրբեջանի հարաբերություններն այնքան ամրակայված են, որ կտրուկ փոփոխություն անհնար է: Այդ այցը տարածաշրջանում լուրջ փոփոխություններ չի ստեղծի»: