Ձմեռ պապիների ընտրության հարցում խիստ են լինելու

Երևանն Ամանորին պատրաստվում է միջոցառումների որակական ու քանակական աննախադեպ ցուցանիշով ու նորամուծություններով: 

Տոնակատարությունները մեկնարկելու են դեկտեմբերի 20-ից՝ Ամանորի առաջին բացօթյա համերգով և խորհրդանշական միջոցառմամբ, երբ Երևանի քաղաքապետ Տարոն Մարգարյանը հանդիսավորությամբ կմիացնի հանրապետության գլխավոր տոնածառի և մայրաքաղաքի տոնական լույսերը, ինչին կհաջորդի մեծ հրավառությունը. այս մասին այսօր լրագրողների հետ հանդիպման ժամանակ ասել է Երևանքի քաղաքապետ Տարոն Մարգարյանի խորհրդական Արամ Սուքիասյանը։ 

Անդրադառնալով Ձմեռ պապերի ընտրությանը՝ Արամ Սուքիասյանն ընդգծել է, որ չափանիշների հարցում շատ խիստ են լինելու, որպեսզի տոնական օրերին Հանրապետության և Ազատության հրապարակներում միայն բարեկիրթ Ձմեռ պապեր շրջեն։