«Իմ քայլը» դեռ որոշում չունի՝ ոչ արտահերթ ընտրությունների, ոչ նոր քաղաքապետի ընտրության հարցում. Զաքարյան

«Իմ քայլը» խմբակցությունը որոշում չունի ոչ Երևանի ավագանու արտահերթ ընտրությունների, ոչ էլ՝ նոր քաղաքապետ ընտրելու հարցում։ Այս մասին «Փաստինֆո»-ի հետ զրույցում ասաց Երևանի՝ «Իմ քայլը» խմբակցության ավագանու անդամ Լևոն Զաքարյանը։

«Խմբակցությունում որևէ կոնկրետ որոշում չկա, որ կարողանամ այդ մասին հայտնել։ Հավանաբար՝ մոտակա օրերին կքննարկվեն նման հարցեր»,-նշեց նա։

Զաքարյանի համար Հրաչ Սարգսյանի հրաժարականն անակնկալ է եղել։ Ասում է՝ Սարգսյանի հետ շարունակել են իրականացնել խմբակցության նախընտրական ծրագրերը։

«Հրաչ Սարգսյանը կարողացել է դրանք կոորդինացնել բավարար կերպով։ Միշտ պետք է բավարար գնահատել աշխատանքները, որովհետև լավագույնի ձգտումը միշտ պետք է լինի»,- հավելեց ավագանու անդամը։

Հիշեցնենք, որ քիչ առաջ Երևանի քաղաքապետ Հրաչյա Սարգսյանը արտահերթ գործակարգավարական նիստում հայտնեց իր հրաժարականի մասին։

Սարգսյանը քաղաքապետ ընտրվեց Հայկ Մարությանի պաշտոնանկությունից հետո՝ 2021 թվականի դեկտեմբերի 22-ին։ Մինչ այդ նա զբաղեցնում էր Երևանի փոխքաղաքապետի պաշտոնը։

Աղբյուր` Փաստինֆո