Փախստականները վճարում են սեփական օրգաններով

Եգիպտական սահմանով անցնելու Իսրայելի տարածք անցնել աֆրիկացի փախստականներին օգնում են բեդվին մաքսանենգներ:

CNN-ը պարզել է, որ այդ ծառայությունն անվճար չէ, իսկ այն փախստականները, ովքեր ի վիճակի չեն վճարել պահանջվող մեծ գումարը, վճարում են սեփական օրգաններով:

«Երիտասարդությունը՝ հանուն մարդու իրավունքների» միջազգային հիմնադրամը եւ EveryOne Group իտալական իրավապաշտպան խումբը տեղեկություններ են տարածել, որ Սինայի թերակղզում աֆրիկացի փախստականների մարմիններ են հայտնաբերել՝ առանց ներքին օրգանների:

Տեղեկություններ կան, որ ներքին օրգանների առեւտրում ներգրավված է Սաուրկա ցեղախումբը: 

Ի դեպ,  փոխպատվաստման համար անհրաժեշտ օրգանների հեռացումը չի կարող իրականացվել անապատում, առանց համապատասխան պայմանների, գործիքների եւ գիտելիքների՝ չհաշված, որ պոտենցիալ դոնորի առողջական վիճակի նախնական հետազոտություն եւս անհրաժեշտ է: