Մերկելը հույս ունի, որ փախստականները ետ են գնալու

Գերմանիայի կառավարությունը հույս ունի, որ փախստականները կվերադառնան իրենց հայրենիք, երբ այնտեղ  իրավիճակը կայունանա:  Այդ մասին հայտարարել է Գերմանիայի կանցլեր Անգելա Մերկելը Նոյբրանդեմբուրգ քաղաքում ունեցած ելույթի ժամանակ:  «Մենք ակնկալում ենք, որ երբ Սիրիայում խաղաղություն հաստատվի եւ Իրաքում ԻՊ-ը ոչնչացվի, փախստականները` իրենց բոլոր գիտելիքներով, որ ձեռք են բերել մեզ մոտ, ետ կդառնան»,- ասել է Մերկելը:

Նա ասել է, որ Հարավսլավիայում պատերազմի ավարտից հետո  Բալկաններից ետ է վերադարձել փախստականների 70 տոկոսը:

Նշենք, որ 2015 թվականին Գերմանիա է եկել 1.1 մլն փախստական, հիմնականում` Սիրիայից եւ Իրաքից: